Shurdhmemecët nga e gjithë Kosova janë kënaqur në një turnir të futbollit të vogël të organizuar në qytetin e Vushtrrisë. Faton Parduzi, kryetar i shoqatës të shurdhmemecëve në Vushtrri, e cila është organizatore dhe njëkohësisht edhe nikoqire e këtij turniri thotë se është ky aktiviteti i parë shtetëror në futboll të vogël për komunitetin e shurdhmemecëve. Ai ndjehet i kënaqur që sërish është organizuar një aktivitet sportiv që nga viti 2005 kur po në Vushtrri ishte mbajtur turnir i të shurdhëve në hendboll. “Jemi shumë të kënaqur që kemi arrit ta organizojmë këtë aktivitet sportiv, ngase ndoshta nuk e dini por personat e shurdhër e duan dhe janë të lidhur shumë me futbollin”, thotë i entuziazmuar Parduzi i cili bisedën me ne e bënë përmes interpretit profesional gjuhësor.
Në këtë turnir kanë marrë pjesë dhjetë ekipe të shurdhëve nga komunat Prishtinë, Mitrovicë, Gjilan, Pejë, Ferizaj, Prizren, Therandë, Podujevë, Drenas dhe Vushtrri. Pas zhvillimit të garave në sistem grupor ku secila ekip është takuar me secilën, vendi i parë i ka takuar skuadrës së Drenasit, vendi i dytë Vushtrrisë, ndërkaq i treti i takoi Prishtinës.
Drejtori i kulturës, rinisë dhe sportit në administratën komunale Qamil Sahiti thotë se komuna ka mbuluar shpenzimet e të gjithë këtij manifestimi sportiv. “Jemi shumë të kënaqur që ne si komunë kemi arritur që ta mbështesim këtë projekt që synon integrimin në shoqëri të këtij komuniteti”, ka thënë Sahiti.
Jemi shumë të kënaqur që ne si komunë kemi arritur që ta mbështesim këtë projekt që synon integrimin në shoqëri të këtij komuniteti”, ka thënë Qamil Sahiti drejtor i kulturës, rinisë dhe sportit.
