“Muzeu ka disa sektorë: sektorin e historisë, arkeologjisë dhe etnografisë. Është larg të dëshiruarës dhe siç e meriton Vushtrria por kemi synimin, gatishmërinë dhe vullnetin për të ecur dhe bërë një muze joshës për të gjithë qytetarët” shprehet Begu. Ajo thotë ta ketë hulumtuar dasmën se si është bërë në të kaluarën në këto treva. “Në qytet dasmat kanë qenë të organizuara ndryshe nga sot, nusja është marrë pas orës 24, pra natën, gjersa në fshatra ditën. Muzika në qytet në këto gazmende ka qenë paksa e dominuar nga kultura osmane, gjersa në fshatra ka qenë autoktone shqiptare” thotë Begu. Në muze është pasqyruar bukur edhe e kaluara e mjeshtërive popullore siç ishin drugdhendja, gurgdhendja, punimi i pëlhurës, punimet e vekut, saraqet, metalpunuesit, shtypësit e zgjunit etj. “Sot në Vushtrri ende punohet nga mjeshtëritë e drugdhendja, mjeshtëritë për punim të instrumenteve muzikore, metalpunuesit, këpucë ndreqësit, saraqët e ca tjerë.
Muzeu historik-etnografik i qytetit të lashtë është themeluar në vitin 2005 me vendim të kuvendit komunal. i vendosur në një nga zyrat e Qendrës së Kulturës “Hasan Prishtina”, me ca eksponate të ekspozuara dhe vetëm me një punëtor konsiderohet të jetë muze modest i një qyteti të lashtë, i cili vet është muze. “Edhe pse në këto kushte, kemi arritur të sigurojmë një numër modest të eksponateve, me të cilat pasqyrojmë të kaluarën tone, trashëgimin tone, qoftë atë materiale apo shpirtërore” thotë etnologia dhe drejtuesja e muzeut Shykrane Begu.
Në kuadër të vështirësive gjatë punës , për të mbledhur eksponatet Begu përmend luftën e fundit , e cila ka shkatërruar e djegur eksponatet të cilat i kanë ruajtur qytetarët edhe në shtëpitë e tyre në mungesë të muzeut.
