Mirë se vini në Vushtrri
Të nderuar vizitorë, mirësevini në qytetin e lashtë të Vushtrrisë, një vend i pasur me histori dhe trashëgimi kulturore. Vushtrria dallohet për urën e saj antike pa lum, kalanë që ngrihet në qendër të qytetit dhe hamamin historik, po ashtu të vendosur në zemrën e tij. Përveç këtyre monumenteve të njohura, në qytet dhe fshatrat përreth mund të gjeni shtëpi të vjetra, kulla karakteristike, çezma të lashta dhe legjenda që tregojnë historinë shekullore të këtij vendi.
Zyra e Turizmit ka për qëllim të informojë turistët dhe publikun e gjerë mbi pasuritë kulturore, destinacionet turistike, akomodimin, gastronominë, jetën e natës, si dhe aktivitetet kulturore e sportive. Këto informata ofrohen përmes materialeve informuese, broshurave dhe shërbimeve turistike, duke ju ndihmuar të përjetoni një eksperiencë të paharrueshme në Vushtrri.
